Вести. Аланийы хабæрттæ Сергей Меняйло архайдта "Уæлахизы диктант"-ы
26 апреля 2025, 11:12
Сергей Меняйло архайдта "Уæлахизы диктант"-ы. Ныффыста йæ Парламенты сæрдар Тускъаты Таймураз дæр. Æппæтадæмон акци Цæгат Ирыстоны цæуы 7-æм хатт. Аразы йæ парти "Иугонд Уæрæсе" "Уæлахизы волонтертимæ" æмæ Уæрæсейы æфсæддон-историон æхсæнадимæ. Акцийы сæйраг фæз сси национ музей. Æдæппæтæй та республикæйы уыдысты дыууæсæдæ дыууыны онг. Архайдтой дзы хицауадон оргæнты минæвæрттæ, депутаттæ, министрадты æмæ вæдомствоты кусджытæ, скъоладзаутæ, студенттæ, æхсæнадон архайджытæ.
