Вести. Аланийы хабæрттæ Республикæйы хæлардзинады Хæдзары арæзт æрцыд скъолаты æмæ студентты фембæлд, алы дæсныйæдты минæвæрттимæ
1 февраля 2025, 10:44
Республикæйы хæлардзинады Хæдзары арæзт æрцыд дзæуджыхъæуккаг скъолаты æмæ фыццæгæм курсы студентты фембæлд, алы дæсныйæдты минæвæрттимæ. Профориентацион мадзал баст уыд Уæрæсейы студенты бонимæ. Фембæлд саразджытæ баиу кодтой æппæты парахатдæр дæсныйæдты æмæ нырыккон здæхтыты специалистты. Уыдон сты блогертæ, логисттæ, фысымуæтты бизнесы минæвæрттæ, стæй, кæй зæгъын æй хъæуы, педагогтæ, æфсæддонтæ, дохтыртæ, юристтæ æмæ журналисттæ. Фæсивæд базыдтой алы дæсныйады бæлвырддзинæдтæ, æмæ ма сын уыд фæрстытæ раттыны фадат дæр. Ахæм мадзал арæзт æрцыд фыццаг хатт, фæлæ йæ ныр фæнд кæнынц рæстæгæй-рæстæгмæ аразын.
