Вести. Аланийы хабæрттæ Пысылмон диныл хæст адæмæн райдыдта ком дарыны мæй Рамадан
1 марта 2025, 10:54
Пысылмон диныл хæст адæмæн райдыдта ком дарыны мæй Рамадан. Уыцы рæстæг æрмæст ком нæ фæдарынц, фæлæ фæкувынц Хуыцаумæ. Рамадан у пысылмон дунейы сæйрагдæр бæрæгбæттæй иу. Æнæхъæн мæй боныгон нæй хæрæн æмæ нуазæн. Ахæм хуызæй пысылмæттæ æвдисынц се стыр уарзондзинад уаларвон тыхмæ, стæй сæхимæ æвзæрын кæнынц хиуылхæцыны æмæ фæразондзинады миниуджытæ. Уыимæ хъуамæ æппæт хъуыдытæ уой сыгъдæг. Рамаданы мæй адæймаг хъуамæ æххуыс кæна мæгуыртæн æмæ арæхдæр кува.
